Nazirlik çörək sexində partlayış zamanı yaralananlar barədə məlumat yaydı

Şəkidə çörək sexində baş verən partlayış zamanı xəsarət alan qadının vəziyyəti orta ağırdır.

Səhiyyə Nazirliyindən verilən məlumata görə, kürək və hər iki qolun yanığı diaqnozu ilə Şəki MRX-ya çatdırılan qadının bədənindəki yanıqlar 2 və 3-cü dərəcəlidir.

Ona lazımi tibbi yardım göstərilib müalicəsi davam edir.

Qeyd edək ki, bu gün Şəkidə çörək sexindəki partlayış hadisəsinin qaz sızmasından baş verməsi ehtimal edilir.