Toyda havaya açılan atəş bəyi ağır yaraladı

Türkiyənin Şanlıurfa şəhərində toyu olan gənc yaralanıb.

Sondakika.com-un verdiyi xəbərə görə, Bilecik rayonunda 25 yaşlı bəy Mehmet Yılmaz toyunda yallı oynayarkən güllə ilə vurulub.

Açıq havada keçirilən toy zamanı havaya atılan güllələrdən biri onun başına dəyib.

Xəstəxanaya çatdırılan gəncin vəziyyəti ağır qiymətləndirilir.

Bəyin yaralanmasına görə toy təxirə salınıb.

Hüquq-mühafizə orqanları hadisəni törədən şəxsin kimliyini müəyyən edib, axtarışına başlayıblar.