Maduro: Venesuelanın xalq qoşununun sayı 3,3 milyondur

Venesuelanın xalq qoşunu sıralarında olan vətəndaşların sayı 3,3 milyon nəfərə çatıb.

TASS xəbər verir ki, bu barədə ölkə prezidenti Nikolas Maduro La-Quayra şəhərində tərəfdarları qarşısında çıxışı zamanı bildirib.

"Bu gün mən Venesuelaya və bütün dünyaya elan edə bilərəm ki, xalq qoşunun sayı 3 milyon 300 min nəfərə çatıb", - deyə Maduro qeyd edib.

Dövlət başçısının sözlərinə görə, bütün döyüşçülər yaxşı hazırlanıb və silahlanıb:

"2020-ci ildə hədəf – qoşun sayını 4 milyon nəfərə çatdırmaqdır".