Ermənistan yarım milyard borc axtarır - Ümid yenə ruslara qalıb

Ermənistanın xarici dövlət borcu 2019-cu ilin ikinci yarısından sonra da artacaq.

Azvision.az “Sputnik Ermənistan”a istinadən xəbər verir ki, hökumət təxirəsalınmaz xərclər üçün vəsait cəlb edəcək. Ümumiyyətlə, 2019-ci ildə Ermənistan təxminən 490 milyon dollar xarici kredit alacaq. Bu vəsaitin 40% -i Rusiyadan cəlb ediləcək.
Bundan başqa, Dünya Bankından suvarma sistemlərinin və elektrik xətlərinin yenilənməsi, yolların tikintisi, şəhərlərdə abadlıq işlərinin aparılması ilə bağlı kreditlər gəlməkdə davam edir. Bu il Ermənistan, həmçinin ümumi büdcə dəstəyi üçün kredit götürməyə davam edəcək.

Yeni büdcə idarəetmə siyasətinə görə, dövlət əməkhaqqı və pensiyaların ödənilməsi üçün müstəqil şəkildə qazanmalı və yalnız inkişaf layihələri (infrastruktur və s.) üçün kredit götürməlidir. Amma Ermənistan hökuməti bu il büdcə kreditləri üçün də vəsait cəlb edilməyə məcburdur.